နေမင်းညို

မနက် ၆း၃၀ လောက်ကျတော့ ကောင်လေးဆီကဖုန်းလာတယ်။
နွေးနဲ့ပဲပေးပြောလိုက်တော့တယ်။
နွေးက.. " အသံမတူဘူး လို့ပြောရင်ဘယ်လိုပြောရမလဲ " တဲ့။
မိုးက.. " မနက်စောစောမို့လို့ အသံဝင်နေတယ်ပြောလိုက် " လို့။

ကောင်လေးက... "ကျွန်တော်..နာရီစင်ကိုရောက်နေပြီ..အင်္ကျီကအ၀ါ၊မိုးကာနက်ပြာရောင်နဲ့
(ကောင်လေးလာတဲ့အချိန်တုန်းကမိုးတွင်းလေ)
ဂျင်းဘောင်းဘီ အပြာရောင်ဝတ်ထားတယ်။ နွေးကရောဘာရောင်ဝတ်ထားလဲ " တဲ့
နွေးက " ပန်းရောင်ဝတ်ထားတယ်...အခုလာကြိုမယ်စောင့်နေနော်.. " လို့..
ပြီးတော့ဖုန်းချလိုက်တယ်။(မိုးကနက်ပြာရောင်ဝတ်ထားတယ်။)
မိုးနဲ့နွေး အိမ်ကနေတူတူ ကောင်လေးကိုသွားကြိုကြတယ်။


မိုးနဲ့နွေးရောက်သွားတော့.. နာရီစင်ရှေ့မှာ.. ခရီးသွားကျောပိုးအိတ်လေးတစ်လုံးကိုလက်မှာဆွဲပြီး..
တောင်ကြည့်မြောက်ကြည့်နဲ့...ယောင်တောင်တောင်ရပ်နေတဲ့ကောင်လေးတစ်ယောက်ကိုတွေ့တယ်။
(အဲ့ဒါ.. နွေးနဲ့မိုးတို့ရဲ့ အမှတ်တမဲ့ဆုံရာကနေ မှတ်မှတ်ရရခင်ရတဲ့ကောင်လေးပဲပေါ့နော်.. သူက
ဓာတ်ပုံထဲမှာထက်အပြင်မှာပိုပြီးတော့ ကြည့်ကောင်းနေသလိုလို.... )
မိုးနဲ့နွေးကတော့ ချက်ချင်းမသွားသေးဘူး.. သူ့ကိုဘယ်ကဘယ်လိုစခေါ်ရမလဲလို့စဉ်းစားနေကြတာ..
မိုးကပြောလိုက်တယ်.. " နွေးပဲအရင်သွားလိုက်.. မိုး ဒီနားကဒေါ်လေးအိမ်မှာဆိုင်ကယ်သွားထားလိုက်ဦးမယ်...
ဒေါ်လေးအိမ်ကပဲစောင့်နေမယ်နော်.. "
နွေးလည်း.. နည်းနည်းတော့ကြောက်တာပေါ့နော်... တခါမှစကားမပြောဖူးတဲ့သူကို....
ကိုယ်ကအရင်သွားခေါ်ရမှာဆိုတော့.... တမျိုးကြီးပေါ့....
ဟော........... နွေးကိုကောင်လေးတွေ့သွားပြီ.. ကောင်လေးက နွေးကိုတွေ့တော့ ပြုံးပြတယ်..
ပြီးတော့.. " နွေးလား မသိဘူး " တဲ့...
နွေးခေါင်းညိတ်ပြလိုက်မိလားမသိပါဘူး။... ဘာမှပြန်မပြောမိတာတော့သေချာတယ်..
ကောင်လေးက " နွေးတစ်ယောက်ထဲလာတာလား.. " လို့မေးတယ်...
" ဟုတ်ဘူး.. သူငယ်ချင်းတစ်ယောက်လည်းပါတယ်.. သူကဒီနားကသူ့ဒေါ်လေးအိမ်မှာစောင့်နေတာ.. "
ကောင်လေးက " နွေးကဓာတ်ပုံထဲကအတိုင်းပဲနော်..." တဲ့....
သူ့ကိုဘာမှတော့ထပ်မပြောမိဘူး.. ပြုံးပြလိုက်မိမယ်ထင်တယ်...
နွေးလည်းသူ့ကိုဘာဆက်ပြောရမှန်းမသိတာနဲ့... သူငယ်ချင်းစောင့်နေတယ်.. သွားရအောင်
ဆိုပြီး.. မိုးဆီကိုလာခဲ့ကြတယ်...
နွေးကမိုးနဲ့ကောင်လေးကိုမိတ်ဆက်ပေးတယ်... ကောင်လေးက မိုးကို အသိအမှတ်ပြုတဲ့အနေနဲ့
ပြုံးပြတယ်... မိုးလည်း ပြန်ပြုံးပြလိုက်တယ်... (စိတ်ထဲမှာတော့.. ကိုယ်ကလိမ်ထားတဲ့သူမို့လို့လားမသိဘူး.. စိတ်မလုံဘူး.. တစ်ခုခုကိုလည်း စိုးရိမ်နေမိသလိုပဲ..)
ပြီးတော့... နွေးက.. " ဒီနားကဆိုင်မှာတစ်ခုခုသွားစားရအောင်လေ.. " ဆိုတော့... မိုးတို့သုံးယောက်တူတူလမ်းလျှောက်ထွက်ခဲ့တယ်...
မိုးကရှေ့ကလျှောက်.. ကောင်လေးနဲ့နွေးကတော့ နောက်ကနေ စကားတပြောပြောနဲ့လိုက်ခဲ့တယ်...
ဆိုင်ရောက်တော့... မိုးက လက်ဖက်ရည်တစ်ခွက်နဲ့ပဲပလာတာ တစ်ပွဲမှာတယ်... ကောင်လေးနဲ့နွေးကကော်ဖီမှာတယ်။
အဲ့ဒီမှာကောင်လေးကမေးတယ်.. " နွေးက ရေးပေးပါ မှာတုန်းက လက်ဖက်ရည်ကြိုက်တာဆို " တဲ့
နွေးက ဘယ်လိုပြောရမလဲဆိုတဲ့ အကြည့်နဲ့ မိုးကိုလှမ်းကြည့်တယ်..
မိုးကပဲရှင်းပြလိုက်တာပေါ့.. " နွေးက အရင်တုန်းကလက်ဖက်ရည်ပဲသောက်တာ.. ပြီးခဲ့တဲ့ လလောက်ကပဲ..
ကော်ဖီပြောင်းသောက်ကြည့်မယ်ဆိုပြီး... ပြောင်းသောက်ရာကနေ ကော်ဖီစွဲသွားတာလေ.. "
ကောင်လေးက ရီတယ်.... " ဒါနဲ့ပဲ လက်ဖက်ရည်ဖက်ကို ခြေဦးမလှည့်တော့တာလား " ဆိုပြီးတောင်နွေးကိုစလိုက်သေးတယ်... သံသယရှိသလိုတော့ ဘာမှထပ်မပြောပါဘူး..
ကောင်လေးကပြောသေးတယ်.. " နွေးအသံကဖုန်းထဲမှာနဲ့ အပြင်မှာအသံကွာတယ်နော်.. အပြင်မှာကအသံအေးသလိုပဲ" တဲ့...
အဲ့ဒီတော့ နွေးက.. " ဟုတ်မယ်ထင်တယ်.. ခုကအသံလည်းနည်းနည်းဝင်နေတယ်.. ပြီးတော့ ဖုန်းပြောတုန်းက လိုင်းလည်းသိပ်မကောင်းဘူးလေ.. " လို့အဆင်ပြေပြေပြန်ပြောရတာပေါ့.. (လိမ်တဲ့ အလုပ်ကတော်တော်စိတ်ပင်ပန်းတာပဲနော်.. )
နောက်တော့ ကောင်လေးကိုလည်း မိုးနဲ့နွေးတို့ကျောင်းကိုလိုက်ပို့ပေးဦးမယ်.. ဘာညာနဲ့..
ရောက်တတ်ရာရာလေးတွေပဲပြောဖြစ်တယ်...(ခုချိန်ထိတော့ အခြေအနေကအေးဆေးပါပဲ.. )
စားသောက်ကြပြီးတဲ့အခါ.. ကောင်လေးတည်းဖို့နေရာဆီကိုလိုက်ပို့ပေးလိုက်တယ်...
၉း၃၀ လောက်ကြရင်လာပြန်ခေါ်မယ်.. အပြင်မှာထွက်စောင့်နေဖို့မှာပြီး.. မိုးနဲ့နွေးလည်း အိမ်ပြန်ခဲ့ကြတယ်....